Едукативно-забавен портал на Град Прилеп

10bez10.com

17°

Временска прогноза

17° 19°21.05 / Пон
19° 14°22.05 / Вто
20° 14°23.05 / Сре
18° 13°24.05 / Чет
23° 13°25.05 / Пет
23° 13°26.05 / Саб
25° 15°27.05 / Нед

Банкометар

Банкометар

10bez10.com

Содржина

Содржина

Прилепската градска болница „Борка Талески“ побара од изведувачот на работите да направи ревизија на обновените тавани во болницата откако по невремето во неделата падна  дел од таванот во просторија на хируршкото одделение.

 bolnitsa prilep

Директорот на болницата Драган Богоески изјави дека е направена анализа и констатирано е дека дел од таванот паднал поради човечка грешка.

Заедно со изведувачот и со надзорот на изведувачките работи се утврдија причините за оваа хаварија на спуштениот плафон во просторијата во неделата на 6 мај околу 13 часот. Се утврди дека попуштањето на носачот што ги држел таванските плочи е поради тоа што држачите на носачот не биле недоволно квалитетно поставени на држачите на носачот. Станува збор за човечка грешка. За среќа во несреќа, во просторијата немаше ниту пациенти, ниту други лица и нема повредени. Изведувачот ќе ја санира штетата, но ќе се изврши и проверка во сите простории во болницата на кои работел подизведувачот за да се избегнат нови вакви ситуации, изјави Богоески.

Тој додаде дека нема да се бара отштета затоа што нема повредени, а рокот за проверка на сработеното е две години.

Инаку, Прилепската болница има недостиг од специјалисти, а најкритично е во Гинеколошкото одделение и Одделението за уво, нос и грло каде за нормално функционирање недостасуваат 30-тина специјалисти.

Имаме потешкотии во обезбедувањето на 24-часовно згрижување на пациентите, а најкритично е во Гинеколошкото одделение каде доаѓаат специјалисти од Битола, а во Одделението за уво, нос и грло е само еден специјалист. Малку имаме специјализанти, а очекуваме согласности да добиеме специјализации. Во моментов имаме 65, а потребни се 90 специјалисти. Ако продолжи ваквата состојба, може одредени одделенија да се затворат. И кога ќе добиеме специјализанти потребни се три години да завршат, но и да добијат искуство, истакна Богоески.

Раководството на болницата се обидува да ја подобри и финансиската состојба и да ги намали заостанатите обврски од околу 40 милиони денари.

Прилепската болница нуди здравствени услуги за над 100.000 жители од прилепскиот регион.

Коментари

Коментари

Реклама