Едукативно-забавен портал на Град Прилеп

10bez10.com

14°

Временска прогноза

14° 13°19.10 / Саб
20° 15°20.10 / Нед
21° 15°21.10 / Пон
20° 14°22.10 / Вто
20° 13°23.10 / Сре
19° 12°24.10 / Чет
19° 12°25.10 / Пет

Банкометар

Банкометар

10bez10.com

Содржина

Содржина

Зимска

да си немир
што утра неразденува,

да си трепет

душа што спрпелува,

судбата ќе ми ја водиш

потамина,

снеможена в зори по калдрма,

со слепени клепки

во сневидена синевина.

 

да си ми

љубов, небо и црнина

 

што ќе сум ти јас,

непокорна,

што ќе сум ти јас,

грч во утроба неклоцната?

Три песни од Александра Спасеска - aca

Скопска магла

кој ги искриви твоите улици

за моето доаѓање?

расонета,

несонета,

девојка-сон

со згазени калинки

на дупнатите ѓонови,

кој прв ми понуди грст надежи

и ме турна во твоите прегратки

граду, дете на љубовта

град за љубење,

нељубен,

кој прв остави на мостот камен воздишки?

 

ти спиеш,

љубовнику,

ме оставаш расоблечена,

со шминка размачкана,

нерамномерно дишење 

во магливите утра

и здив на кафе по калдрмата.

 

јас те љубев,

ти се враќав,

ти ме земаше,

јас те имав,

ти ме сликаше

во сите бои 

и насмевки,

сите солзи растечени

по твоите улици

со првите сончеви зраци

на недораснатите утра

и нашите кревки години.

 

кој прв ја отвори устата

за бакнеж со вкус на калинка,

кој ја отвори портата 

на незнајни радости,

музиката на нашите чекори

во глувите ноќи низ чаршија,

кој прв ја крена чашата

да наздрави за младоста,

овошка распукана на твоето врело сонце,

овошка изгниена на твоите валкани улици.

 

се надевав

не ќе те заљубам,

се надевав,

не ќе те изгубам 

во маглите на нашата

залудна љубов заблудна,

се надевав,

не ќе се изгубам.

 

кој ги искриви твоите улици

за моето доаѓање,

драго Скопје, 

кога ќе ни се крене маглата од душите

За времето и љубовта

остајте ме 

да тонам во споменот за него

ако спие до мене,

остајте ме 

да го сакам 

секој ден поинаку.

 

остајте ме

да најдам нови причини

да го напуштам и да молам

да се врати, 

да го сакам

како јас да сум некоја друга.

 

остајте ме

да не знам што со себе,

да не знам што со него,

да не знам што 

со оваа љубов непрегорна,

да го сакам

небаре е прв и нема последен.

 

остајте ме

да го враќам времето

па избезумена да ги туркам

сказалките напред,

остајте ме да го љубам

него во време минато-идно.

 

Коментари

Коментари

Реклама